por Prenseru
11/9/2006
Asturies.com
UNA INMOBILIARIA QUIER LLEVAR ALANTRE UNA MACROURBANIZACIÓN NA COSTA
Naz SOS Cuideiru, asociación contra los abusos urbanísticos na costa
Redacción
Esti sábadu 9 de setiembre presentóse na casa Cultura de Soutu Lluiña, nel conceyu Cuideiru, l’asociación SOS Cuideiru. Al actu asistío Txomin Goñi, presidente de l’Asociación d’Amigos y Vecinos de Llanes AVALL, una asociación d’oxetivos asemeyaos a los de SOS Cuideiru, y Ignaciu Llope, escritor y portavoz d’Izquierda Asturiana y que ye’l primer presidente provisional de SOS Cuideiru. Los dos representantes definieron SOS Cuideiru como "una plataforma ciudadana independiente, compuesta por vecinos, residentes y amigos del conceyu de Cuideiru, preocupaos pol modelu de desarrollu territorial, asina como pol urbanismu depredador y poco respetuosu col mediu natural, social y cultural que dende l’Ayuntamientu y otres instituciones públiques ta llevándose alantre nel conceyu en particular y na costa asturiana en xeneral".
Los representantes de SOS Cuideiru dixeron que l’asociación "quier facer sentir la so voz, col envís de favorecer un debate alredor d’estes cuestiones y movilizar a la opinión pública pa facé-y llegar qu’otros modelos urbanísticos y territoriales son posibles".