por Prenseru
– 10/2/2006
Demolida ayeri la casa más antigua de Noreña que databa del sieglu XVI
Andecha Astur denuncia’l derribu d’una casona del sieglu XVI en Noreña
– 10/3/2006
Críticas al derribo de la casona de Sorribes
10/2/2006
El Fielatu.net
Demolida ayeri la casa más antigua de Noreña que databa del sieglu XVI
Andecha Astur considera un atentáu contra’l patrimoniu el derribu de la Casa de Les Sorribes y lluchará pa que s’esclarien les responsabilidaes.
Ayeri pela tarde una paliadora baltiaba la Casona del Barriu de Les Sorribes, la más antigua de la Villa ente la sospresa xeneral en Noreña. Andecha Astur retrucó darréu y güei amanecía Noreña con delles pancartes que denunciaben el derribu d’esta casona típica de la Edá Moderna. Dende Andecha Astur Noreña vienen trabayando pa salvar la Casona del sieglu XVI asitiada na cai sorribes y n’avanzáu estáu de ruina dende va años, mesmamente dende l’entamu de l’agrupación llocal va yá 7 años, pol so valir cultural ya históricu. Primero con Cesar Movilla de conceyal de Cultura y agora con él d’alcalde y cola conceyalía de cultura en manes del PSOE.
Toos estos años "venimos pidiendo que dende l’ayuntamientu se busque la formula dientro de la Llei de Patrimoniu (que recueye que “el desendolque de la cultura ye un oxetivu de primer orde, y por eso se deben garantizar la conservación y promocionar l’enrrequicimientu del patrimoniu cultural, cualquiera que seya’l so rexime y la so titularidá” ),que garantice la supervivencia de ná más y ná menos que la casa más antigua de la villa" apunten dende Andecha Astur Noreña. y amesten que "les nuestres denuncies de la situación, les peticiones de d’actuación d’urxencia ente l’Ayuntamientu y les peticiones de que l’Alcalde informare públicamente de la situación nun tovieron enxamás rempuesta nenguna y el gobiernu municipal nun vieno faciendo ná pa iguar esta bochornosa situación d’abandonu del patrimoniu".
Tres cuasi un añu dende que presentasen la última petición y col procedimientu habitual del equipu de gobiernu de nun facer nada alcéntrense los ancionaliegos "cola situación de qu’esta “edificación catalogada qu’ha de mantenese sin poder ser demolida”, patrimoniu de tolos noreñenses y de tol pueblu asturianu, ye propiedá , como certifica’l Rexistru de la Propiedá de La Pola Sieru, de Joaquin García Pumarino Ortea que vien ejerciendo d’arquitectu municipal.
Andecha Astur creye qu’esta situación (que la propiedá del edificiu seya del arquitectu y la parsimonia del gobiernu municipal ente la situación, y agora yá, derrumbe de la casona) llevanten dubies ente la ciudadanía polo qu’esixe aclaraciones del gobiernu municipal de porque nun s’actuó o les actuaciones que se van facer pa dexar clara esta situación. Andecha Astur trabayará por aclarar les responsabilidaes llegales y polítiques que puean derivase del derrumbe d’una casa catalogada y recuerda que yá nel añu 2000 tres una denuncia d’esta organización a la Comisión de Patrimonio hestóricu pol estáu de la casa más antigua de noreña incoha un expediente al Ayuntamiento por “abandonu y derribu del patrimonio hestóricu llocal”
10/2/2006
Asturies.com
L’EDIFICIU DATABA DEL SIEGLU XVI
Andecha Astur denuncia’l derribu d’una casona del sieglu XVI en Noreña
Esta selmana derribóse na Cai Sorribes de Noreña una casona que databa del sieglu XVI. L’agrupación d’Andecha Astur nesti conceyu emitió un durísimu comunicáu en que condena la perda d’esta pieza del patrimoniu asturianu, que diz que gozaba de protección llegal. L’agrupación nacionalista asegura que l’inmueble yera propiedá del arquitectu del conceyu y alvierte que va investigar les responsabilidaes que puean venir d’ello.
L’agrupación d’Andecha Astur Noreña denuncia qu’anque vien trabayando pa salvar la Casona de la cai Sorribes dende va yá 7 años, les sos denuncies de la situación, peticiones de d’actuación d’urxencia ente l’Ayuntamientu y de que l’Alcalde informare públicamente de la situación "nun tuvieron enxamás rempuesta nenguna y el gobiernu municipal nun fizo nada pa iguar esta bochornosa situación d’abandonu del patrimoniu".
AA de Noreña quería que dende’l conceyu se buscare la formula dientro de la Llei de Patrimoniu "que garantizare la supervivencia de la casa más antigua de la villa", pero, ensin que se llegare a nenguna igua, la casa foi esfaciéndose hasta qu’esta selmana acabó por procedese al derribu de los restos qu’inda se calteníen.
Xunta esto, el partíu políticu asegura que nel Rexistru de la Propiedá de La Pola Siero, la histórica casona "figura a nome de Joaquín García Pumarino Ortea, que vien exerciendo d’arquitectu municipal" dalgo que p’Andecha Astur de Noreña abulta raro enforma y polo que "esixe aclaraciones del gobiernu municipal" al empar que da anuncia de que "va trabayar por aclariar les responsabilidaes llegales y polítiques que puean derivase del esbarrumble d’una casa catalogada".
10/3/2006
La Voz de Avilés
NOREÑA
Críticas al derribo de la casona de Sorribes
La formación Andecha Astur ha criticado el derribo de la casona de Sorribes, del siglo XVII, sin una autorización expresa de la Comisión Urbanística de Ordenación del Territorio de Asturias (Cuota) y la Consejería de Cultura del Principado. «El proyecto sólo tiene un informe favorable de la permanente de Patrimonio, no una resolución de la Consejería», señalan, y consideran que podría existir una infracción penal.