Asturnews
El Serviciu de Normalización de L.lena va facilitar l’adaptación de les fontes informátiques a la grafía ’l.l’
L’Ayuntamientu de L.lena va editar un CD nel que se recueyen toles grabaciones de la zona que tien trabayo l’investigador Xosé ’Ambás’
Asturies.com
L.LENA PRESENTÓLOS SOS PROYECTOS DE NORMALIZACIÓN PAL 2006
La oficina de normalización de L.lena quier llevar la "l.l" a tolos ordenadores
por Prenseru
9/8/2006
Asturnews
El Serviciu de Normalización de L.lena va facilitar l’adaptación de les fontes informátiques a la grafía ’l.l’
L’Ayuntamientu de L.lena va editar un CD nel que se recueyen toles grabaciones de la zona que tien trabayo l’investigador Xosé ’Ambás’
Asturies.com
L.LENA PRESENTÓLOS SOS PROYECTOS DE NORMALIZACIÓN PAL 2006
La oficina de normalización de L.lena quier llevar la "l.l" a tolos ordenadores
9/8/2006
Asturnews
El Serviciu de Normalización de L.lena va facilitar l’adaptación de les fontes informátiques a la grafía ’l.l’
L’Ayuntamientu de L.lena va editar un CD nel que se recueyen toles grabaciones de la zona que tien trabayo l’investigador Xosé ’Ambás’
Redacción
El Serviciu de Normalización L.lingüística de L.lena va desarrollar a partir de setiembre seis programes d’actuación qu’abarquen tarees de recuperación de la tradición oral, la retulación de pueblos y dependencies municipales, asina como diferentes campañaes de promoción ente hosteleros y comerciantes del conceyu. Pa ello, l’Ayuntamientu l.lenizu va cuntar con un presupuestu de 11.280 euros aportaos pola Conseyería de Cultura del Principáu d’Asturies dientro de la llinia d’ayudes a la normalización social del asturianu.
Col envís d’ufiertar a los hosteleros materiales que permitan la integración del asturianu na so rellación colos clientes, l’Ayuntamientu va repartir manteles de mesa individuales, lletreros (abierto/pesllao, home, muyeres, teléfonu, acutao, reservao,…), asina como un CD con una aplicación informática que permite editar les cartes n’asturianu o billingües. Siguiendo la esperiencia empezada esti branu por Serviciu de Normalización xixonés, el CD inclúi un total de 800 platos, que se van poner tamién na variante l.leniza.
Nel casu de los comercios, van repartirse materiales concretos pa carniceríes, pescaderíes y fruteríes, por exemplu, con carteles colos nomes de los principales productos que vienden esti tipu de tiendes.
Na recuperación de la tradición oral, l’Ayuntamientu cunta con un presupuestu de 2.000 euros pa la edición d’un CD coles grabaciones feches nel conceyu y que formen parte de los archivos de Xosé Antón Fernández ’Ambás’. De la mesma forma, L.lena apuesta por una campaña de rotulación toponímica del conceyu asina como la retulación billingüe de les dependencies municipales como yá se ficiere nel Hotel d’Asociaciones.
Pero si hai una novedá nel plan d’actuaciones del Serviciu de Normalización, ye l’apueste pola adaptación de les fontes informátiques a les particularidaes llingüístiques de la zona. La falta de fontes nos teclaos como la ’l.l’, ye un problema importante a la hora d’escribir na variante l.leniza de la llingua, por eso, el Serviciu de Normalización ta terminando de preparar la solicitú de los permisos necesarios pa camudar les fontes y meter esta nueva grafia, que se va repartir al traviés d’un CD y de la Internet cola intención de que valga tamién pa otres partes d’Asturies qu’empleguen la mesma grafía.
9/8/2006
Asturies.com
L.LENA PRESENTÓLOS SOS PROYECTOS DE NORMALIZACIÓN PAL 2006
La oficina de normalización de L.lena quier llevar la "l.l" a tolos ordenadores
Redacción
09/08/2006 El Serviciu de Normalización L.lingüística de L.lena va llevar alantre 6 proyectos a lo llargo d’esti añu contando pa ello con una subvención de Cultura de más de 11.000 euros. La recuperación de la tradición oral, la rotulación de pueblos y dependencies del conceyu y les campañes de promoción del asturianu ente hosteleros y comerciantes van llevar l’esfuerzu del departamentu que dirixe Penélope Miranda.
Ente los programes que van a echar a andar en setiembre rescampla la Campaña de Promoción del usu del asturianu na hostelería, que con 4.000 euros ye’l proyectu más costosu. L’oxetivu d’esta campaña, qu’adapta a L.lena la que se llevó alantre en Xixón esti branu, ye’l d’apurrí-yos a los hosteleros materiales que permitan la integración del asturianu nel tratu colos sos veceros. Xunta esta campaña, va facese una segunda fase de la campaña d’usu del asturianu nel comerciu. Dotada con 1.680 euros, va repartir materiales específicos pa carniceríes, pescaderíes y fruteríes. La tradición oral de L.lena tamién entra nos planes del serviciu de normalización pa esi 2006, pa lo que ta previsto editar un CD coles grabaciones de los archivos del investigador Xosé Antón Fernández "Ambás".
L.lena va entamar tamién la cuarta fase de la campaña de rotulación toponímica, que va siguir asitiando rótulos per pueblos y parroquies y que va dedicase tamién a poner los nomes de los ríos del conceyu. La rotulación n’asturianu va llegar tamién a les oficines de la casa de cultura del conceyu.
Un últimu proyectu pretende llevar la grafía de la "l.l" a les nueves tecnoloxíes, contando’l serviciu con una subvención específica pa la edición d’un CD nel que van poder descargase -tamién va poder facese dende internet- les fontes informátiques d’usu más común adaptaes a la grafía académica d’esti soníu.