Belenos publica un númberu nuevu d’«Asturies, memoria encesa d’un país»
Fecha: 27/12/2010 a les 12:39:52
La Fundación Belenos acaba de publicar el numberu 29 d’Asturies, memoria encesa d’un país. Esti exemplar de la revista inclúi reportaxes sobre l’arte megalíticu, la dómina romana o’l celtismu n’Asturies.
Esti númberu ábrese con un reportaxe de Bueno Ramírez, Balbín Behrmann, Barroso Bermejo y Camino Mayor sobre l’arte megalíticu européu n’Asturies. El santuariu astur-romanu en cueva, d’El Ferrán, Piloña ye’l títulu del estudiu d’Alfonso Fanjul, Alberto Álvarez Peña, José María Herro Garate y Alis Serna Gancedo.
Per otru llau, Jorge Camino Mayor y Yolanda Viniegra Pachego publiquen un reportaxe sobre Elías García-Tuñón y el campu bélicu de La Carisa, mentes que Gausón Fernande Gutierri firma «Memoria gráfica d’Asturies: Al pie del horru» y «Etnografía del perru mastín n’Asturies».
Otra manera, l’aportación del celtismu a la construcción de la identidá asturiana trátala Ignaciu Llope. Una selección de llibros y discos y la sección Cartafueyos de Belenos piesllen esti últimu númberu d’Asturies, memoria encesa d’un país.
http://www.asturnews.com/index2008.php?idn=10606
28/12/2010
Belenos espubliza un númberu nuevu de la revista “Asturies”
Redacción
La Fundación Belenos sacó esti mes el númberu 29 de la so revista d’estudios “Asturies, memoria encesa d’un país”. Nesta entrega la publicación inclúi reportaxes sobre l’arte megalíticu, la dómica romana o’l celtismu n’Asturies d’autores como Bueno Ramírez, Balbín Behrmann, Barroso Bermejo, Camino Mayor, Alfonso Fanjul, Alberto Álvarez Peña, José María Herro Garate o Alis Serna Gancedo.
Na revista desquen reportaxes como’l dedicáu al campu bélicu de La Carisa o al etnografía del perru mastín n’Asturies. Amás, como ye vezu, faise una selección de llibros y discos, a cargu d’Ignaciu Llope.