La noticia de l’apaición de 20.000 pieces arqueolóxiques procedentes de les escavaciones de La Campa Torres n’estáu d’abandonu, y ensin inventariar, nuna habitación clausurada nel llugar ye p’AA “otru motivu de disgustu y quexa pa los asturianos”.
http://aruelu.com/spip.php?article1653
Aruelu.com / Llingua y Cultura
LOS FECHOS FORON DENUNCIAOS TAMIEN POL PP NA FISCALIA
UNA sumase a les denuncies pol afayu de 20.000 pieces abandonaes na Campa Torres
24/04/10
Yolanda González critica la pasividá de les alministraciones públiques y de los responsables del xacimientu ante la situación.
UNA volvió denunciar lo que supón un nuevu despreciu del PSOE ya IX énte too lo que significa cultura asturiana y el so caltenimientu, que se manifiesta nesta ocasión col afayu de 20.000 pieces abandonaes de la escavación de la Campa Torres.
La vocera d’UNA-Xixón, Yolanda González afirma que "los fechos denunciaos públicamente nos últimos díes, en cuantes qu’afecten a un bien declaráu d’interés cultural, pudieren ser constitutivos d’una infracción, inclusive bien grave, de la Llei 1/2001 de 6 de marzu de Padremuñu Cultural " y anuncia que la denuncia efectúase nel marcu de l’aición pública que la mesma llei establez.
Yolanda González, considera inalmitible que "la nueva responsable de la escavación de la Campa Torres nun se plantegue siquiera onde s’atopa’l trabayu de les escavaciones efectuáu con anterioridá a la so llegada al puestu" y considera que "en conciencia, nuna actuación tan llamentable como ésta nun valen escuses nin de los nuevos nin de los anteriores responsables que van tener qu’encarar les sos respectives responsabilidaes".
UNA pide depurar responsabilidaes polítiques por esta xestión nefasta al conceyu de Xixón y a la Conseyería de Cultura, ya que consideren qu’en cualesquier otru llugar del mundu onde se respete’l padremuñu supondría dimisiones o ceses fulminantes.
Esta denuncia sumase a la fecha pol Partíu Popular, que denunció los fechos na Fiscalía y polos militantes d’Andecha Astur que caltienen les sigles angüaño.
Noticies relacionaes:
Que! El PP denuncia la desaparición de piezas arqueológicas de Campa Torres
Lainformación.com El Ayuntamiento dice que las piezas de Campa Torres se hallan perfectamente embaladas e inventariadas
ElComercio. El PP denuncia ante la Fiscalía el abandono de unas 20.000 piezas de la Campa Torres
Asturnews. Andecha Astur denuncia l’apaición de 20.000 pieces arqueolóxiques n’estáu d’abandonu
http://www.asturnews.com/index2008....
24/04/2010
Andecha Astur denuncia l’apaición de 20.000 pieces arqueolóxiques n’estáu d’abandonu
Redacción
La noticia de l’apaición de 20.000 pieces arqueolóxiques procedentes de les escavaciones de La Campa Torres n’estáu d’abandonu, y ensin inventariar, nuna habitación clausurada nel llugar ye p’AA “otru motivu de disgustu y quexa pa los asturianos”.
La formación nacionalista esplica que mos atopamos énte “un casu de dexadez del ‘Principado’ y, nesti casu, del Conceyu de Xixón, nun tema referente al padrimoniu históricu asturianu; y de quexa porque l’actitú de los responsables direutos d’esta situación –arqueólogos encargaos de los trabayos en La Campa Torres, políticos municipales y persones al frente de Cultura– ye vergoñosa al pasase la pelota unos a otros”.
Andecha Astur llamenta un casu nuevu “de perda de padrimoniu n’Asturies” y recuerda qu’estes pieces, “claves pa conocer el pasáu de los asturianos y de los primeros habitantes del Conceyu de Xixón, van resultar inservibles p’afondar na evolución del pobláu nos sos ochos sieglos de vida y amenorguen la importancia del so descubrimientu hai agora una década”.
Igualmente, Andecha Astur esixe que dende la Conceyalía de Cultura s’abra una investigación pa conocer quién foi’l responsable direutu del abandonu d’este pieces y que se depuren responsabilidaes.