El gobiernu autonómicu asturianu quier tramitar rápidamente la instalación d’un parque eólicu na sierra de Carondio. Un intentu previu d’instalar aeroxeneradores nesta zona yá fora rechazáu pol gobiernu autonómicu pol sou valor arqueolóxicu.

Na so web http://carondio.yolasite.com el colectivu ciudadanu aporta abondo d’información del conxuntu arqueolóxicu de Carondio qu’inclúi 34 túmulos que tán al pía de Pico Carondio (1.221m). Yía una zona con una riqueza inmensa en megalitos, castros de la Edá del Fierro, marcas nas penas, minas d’oro d’época romana ya un campamentu militar romanu.

El conxuntu arqueolóxicu de Carondio inclúi dólmenes qu’utiliza’l Conceyu de reclamu turísticu http://www.allande.org/cultura.asp. Pero amás de promocionar los dólmenes, el Conceyu d’Ayande fala de Carondio cumo “paisaxe protexíu”.

La Coordinadora Ecoloxista d’Asturies denuncien que la Conseyería de Cultura torga l’accesu al espediente del parque eólicu de Carondio.
http://asturies.com/node/6956

Si tas a favor de las enerxías renovables, pero non a esti preciu, pues firmar la petición del Colectivu Cuidadanu pola Conservación de Carondio en http://petitions.tigweb.org/SOScarondio