La conseyera de Cultura Ana Rosa Migoya presentó ayeri en Grandas de Salime los planes pal futuru muséu del castru del Chao Samartín, primer equipamientu cultural del Parque Históricu del Navia.
06/02/07 Asturies.com
PARQUE ARQUEOLÓXICU DEL NAVIA
Cultura presentó’l proyectu pal Castru del Chao Samartín
Redacción
06/02/2007 La conseyera de Cultura Ana Rosa Migoya presentó ayeri en Grandas de Salime los planes pal futuru muséu del castru del Chao Samartín, primer equipamientu cultural del Parque Históricu del Navia. La zona espositiva, va contar con aula didáctica y llugar acutáu pa un comerciu, ocupando l’edificiu más de 550 metros cuadraos y invirtiéndose na infraestructura cultural un total de 1,5 millones d’euros. Los conteníos espositivos van centrase en facer un recorríu pela cultura castreña.
Con aniciu no último de la edá del Bronce, el castru del Chao Samartín presenta estratos d’ocupación na dómina del fierru y en tiempu de los romanos, hasta que, a l’altura del sieglu II de la nuestra era despoblóse dafechu, posiblemente por causa d’un desastre natural. Entamáu a escavar nel 1990, el Chao Samartín ye ún de los castros de mayores dimensiones d’Asturies y tamién ún de los qu’apurren afayos arqueolóxicos de mayor interés a lo llargo de toos estos años.